O mesmo día que soubemos da morte de Jean Delannoy, o outro director que facía cen anos este 2008, anunciouse a retrospectiva contemporánea do Festival de Donostia, e afortunadamente non foi ningunha das que se rumoreaba: o homenaxeado, Terence Davies, non é alguén descoñecido e inédito en España, mais a súa elección é certamente oportuna, máxime cando vén de presentar en Cannes un documental Of Time and the City, recibido pola crítica máis atenta co entusiasmo que merecen os felices regresos. ¶