caderno dun rencoroso enfermo de cinefilia
Inicio > Historias > Lisandro Alonso
> Lisandro Alonso <

A contemplación dalgunhas escenas do novo filme de Marc Recha, Dies d'agost, remite necesariamente a outras vistas antes en Los muertos, un prodixio rodado no 2004 por Lisandro Alonso, e porén Marc Recha non coñecía daquela nada da obra deste cineasta, pois descubriuno este mesmo verán na retrospectiva que lle dedicou o Festival de Locarno, onde participaba a concurso a súa propia película. Da mesma maneira vendo os traballos de Lisandro é difícil non pensar nos de Apichatpong Weerasethakul para atopar en ambos unhas intencións estéticas moi semellantes, pero o certo é que cando o primeiro fixo La libertad ao segundo aínda lle quedaban dous anos para triunfar no Un Certain Regard de Cannes con Blissfully yours, e malia ser esta película a que os vencella dunha maneira máis estreita é a única que o arxentino non coñece das dirixidas polo tailandés. Parece pois evidente que hai unha nova forma de entender o cine que está nacendo simultáneamente en diferentes partes do planeta grazas a autores sen conexións mutuas a priori, pero entre os que existen fíos que os ligan de maneira inseparábel. Entre os máis novos acaso sexa Lisandro Alonso a figura máis interesante, malia o reducido da súa filmografía.

É moi doado contar de que vai La libertad: é un día na vida de Misael Saavedra, un cortador de troncos na Pampa. Explicala é labor ben máis complexo, porque o filme é de seu un misterio, unha rareza que podería parecer un documental pero que foxe con sincera enerxía de calquera esforzo por etiquetala. Lisandro busca e atopa personaxes para logo filmalos nun achegamento humanista que non fai concesións, sen botar man dos diálogos e sen recorrer a ningunha clase de manipulación emocional dirixida a xerar empatía co espectador. Como o que fai Pedro Costa, pero reemprazando o lisboeta Bairro de Fontaínhas polos exteriores naturais. A seguinte, Los muertos, posúe unha maior vontade narrativa, pero non traiciona en absoluto o espírito da anterior, senón que o prolonga a forza de planos secuencia de arrebatadora beleza e unha coidadísima banda de sons. Ao comezo do filme a cámara deambula pola selva e descobre a presenza de dous cadáveres; a inquedante secuencia imprime carácter para o resto da metraxe, que polo demais pouco ten que ver con aquela. O propio Lisandro confírmame a veracidade da "lenda" segundo a cal rodou esa escena antes que as outras para acadar os cartos necesarios para a produción: é posíbel que alguén chegase a crer que o filme trataba sobre un serial killer forestal. O protagonista de Los muertos, Argentino Vargas, sae do cárcere despois de moitos anos de condena por mor do asesinato dos seus irmáns e vai na procura dunha filla da que apenas sabe xa nada, alleo a todas as nosas grandes palabras –a liberdade, a felicidade, a vida-, que para Argentino ou para Misael non pasan de ser unha quimera. Pero son seres humanos, coma nós, e a cámara de Lisandro nolos revela extremadamente próximos.

A necesidade de atoparse de novo con Misael e Argentino deu pé a unha terceira película, Fantasma, de inminente estrea no Festival de Xixón e que se verá logo no CGAI na Coruña (sábado 2, ás 18h), na que os dous homes asisten á proxección de Los muertos no Teatro San Martín. O director pecha así o ciclo cunha ofrenda aos seus actores que admitirá, con certeza, lecturas máis estimulantes. Para o seu próximo proxecto, Liverpool, xa atopou localizacións en Ushuaia; leva escritas unhas vinte páxinas e asegura que non pasará de vinte e dúas. "Sei que necesito a un pescador e a unha muller cun lixeiro retardo mental", explica, "e creo que vai ter menos ficción que Los muertos, que vai ser máis unha volta cara o que supuxo La libertad". Despois desta ten un compromiso para facer unha película nos Estados Unidos para a que lle aseguran un marxe de manobra moi amplo. "Podo facela en inglés ou en español. Eu o único que lles dixen é que necesitarei unha granxa". Na Argentina ou fora dela, non me cabe dúbida de que o cine de Lisandro Alonso vai seguir deslumbrándonos durante moito tempo.

2006-11-28, 15:55 | 3 comentarios

Referencias (TrackBacks)

URL de trackback de esta historia http://pawley.blogalia.com//trackbacks/44958

Comentarios

1
De: Doc Hollyday Fecha: 2006-12-01 19:54

Seguro que non é doado atopar a obra de Alonso, que podemos facer para remediar eso?.
Teño que sacarme de enriba a curiosidade por ver o seu traballo.



2
De: Martin Pawley Fecha: 2006-12-02 10:21

Un terzo da súa obra é doado de atopar, e outro terzo proxéctase hoxe mesmo na Coruña, así que...



3
De: espn.com/activate Fecha: 2019-11-10 17:02

web development company
mumbai escorts
mumbai call girls
Mumbai Escorts
Mumbai Escorts
yahoo reset password
What is Social CRM
quickbooks support
mcafee.com/activate
roku tv frozen
roku.com/link
web designing company
seo company
garmin update
garmin updates
garmin express update
norton.com/setup
office.com/setup
roku remote not working
gmail support
andheri escorts
computer repair
outlook password reset
reset microsoft password
reset microsoft account password
Mumbai escorts
andheri escorts
bandra escorts
andheri escorts
thane escorts
mira road escorts
bandra escorts
vashi escorts
aol mail login
canon.com/ijsetup
Chembur Escorts
malad Escorts
colaba Escorts
juhu Escorts
mira road escorts
aol reset password
cox support
xbox support
xfinity support
yahoo support
hp printer support
gmail support
hp printer support
espn.com/activate
activate starz on roku
aol support
at&t support
hulu.com/activate
roadrunner support
roku.com/link
Norton Support
hotmail support
Linksys Router Support
Dlink Router Support
Aol Reset Password
garmin updates
Delta Airlines Reservations
united Airlines Reservations
roku.com/link
garmin updates
roku.com/link
Norton Customer Service
Microsoft Customer service Number
HP Printer Support
quickbooks support
Mumbai escorts
canon ij setup
mcafee.com/activate
office.com/setup
roku.com/link
activate espn
espn.com/activate
espn.com/activate
youtube.com/activate
activate nbc
espn activate
garmin updates
pbs.org/activate



os arquivos estranhos




correo:diasestranhos()gmail.com

O sistema de comentarios está á disposición dos lectores de "signos de vida" (antes "días estranhos") exclusivamente para a publicación de opinións e comentarios relacionados co contido deste blog. Calquera texto publicado por medio do referido sistema non reflicte necesariamente a opinión do autor deste blog. As opinións e informacións publicadas no sistema de comentarios son de autoría e responsabilidade integral dos leitores que del fixeran uso. O autor deste blog resérvase o dereito de suprimir os comentarios e textos que considere ofensivos, difamatorios, calumniosos, preconceitosos ou de algunha forma perxudiciais a terceiros. Textos de carácter promocional ou inseridos no sistema sen a debida identificación do autor (nome completo e enderezo válido de e-mail) tamén poderán ser eliminados.


Licenza de 
Creative Commons
Esta obra está baixo unha licenza Recoñecemento-NonComercial-CompartirIgual 2.5 de Creative Commons. Blogalia

Blogalia

(c) Martin Pawley